Steinn Steinarr - Aldarminning

Í tilefni af 100 ára afmæli skáldsins Steins Steinarrs á þessu ári var haldin dagskrá í Dalbæ á Snæfjallaströnd laugardaginn 21. júní kl 16-18 er samanstóð af ljóðasöng, leik og erindaflutningi.

Þórður Helgason bókmenntafræðingur og rithöfundur flutti erindi um áhrif Steins á íslenskrar bókmenntir; Ása Ketilsdóttir á Laugalandi á Langadalsströnd var með erindi um Stein Steinarr og tengsl hans við svæðið og flutti valin kvæði eftir hann en Steinn fæddist einmitt á Laugalandi; Þórarinn Magnússon kynnti áform um stofnun Steinshúss á Nauteyri; Elfar Logi Hannesson flutti ásamt Þresti Jóhannessyni leikinn þátt um skáldið með söngvum og gítarundirleik. Þetta er dagskrá byggð á einleik Kómedíuleikhússins, Steinn Steinarr, sem sýndur var á Ísafirði og í Borgarleikhúsinu fyrir nokkrum árum. Einleikurinn Steinn Steinarr er byggður á verkum skáldsins og ævi en 98% textans er eftir Stein sjálfan. Loks flutti söngdúett Salbjargar Engilbertsdóttur og Kristjáns Sigurðssonar frá Hólmavík nokkur kvæða skáldsins sem samin hafa verið lög við. Einnig var sett upp lítil sýning um skáldið og tengsl þess við fæðingarsveit sína. Um 30 manns sótti dagskrána sem þótti heppnast mjög vel.

Steinn Steinarr - Ætt og uppruni

Steinn Steinarr - Skáldskapurinn og ástin